13 oC 
Güneşli
وەزارەتی تەندروستی یەمەن ڕاگەیاند، لە ئەنجامی هێرشی رژێمی داگیرکەری سەهیۆنی بۆ سەر یەمەن ٣٥ کەس شەهید بوون و ١٣١ کەسیش بریندار بوون.
وەزارەتەکە ڕایگەیاندووە کە لە ئەنجامی هێرشەکانی داگیرکەرانی سەهیۆنی بۆ سەر شاری سەنعای پایتەخت ژمارەی شەهیدان گەیشتووەتە ٢٨ کەس و ژمارەی بریندارەکانیش گەیشتووەتە ١١٣ کەس و هەروەها لە ناوچەی ئەلحەزمی ئەلجەوف ٧ کەس شەهید بوون و ١٨ کەسیش بریندار بوون.
وەزارەتەکە ڕایگەیاندووە کە تیمەکانی بەرگری شارستانی و فریاگوزاری کار بۆ کوژاندنەوەی ئاگرکەوتنەوەکانی دەستدرێژی سەهیۆنییەکان و گەڕان بەدوای قوربانیاندا دەکەن.
بەگوێرەی میدیا ناوخۆییەکان، داگیرکەران هێرشیان کردووەتە سەر دامەزراوە مەدەنی و خزمەتگوزاری و نیشتەجێبوونەکان.
هەروەها هێرشی سەهیۆنییەکان بۆ سەر وێستگەی کەرتی تەندروستی لە شەقامی ئەلسیتین لە باشووری ڕۆژئاوای سەنعای پایتەخت و کۆمەڵگەی حکوومەتی لە ئەلحەزم، ناحیەی ئەلجەوف ئەنجام درا.
لە بەرامبەردا هێزە چەکدارەکانی یەمەن ئەو بانگەشانەی ڕەتکردەوە کە گوایە دوژمنی داگیرکەر مووشەکهاوێژەکانی وڵاتەکەی کردۆتە ئامانج و جەختیان لەوە کردەوە کە هێرشەکانیان ئامانجی تەواو مەدەنییان کردووەتە ئامانج لەوان ڕۆژنامەکانی "٢٦ی ئەیلول" و "ئەلیامان" و هەروەها شەهید و بریندار لە نێو هەردوو ڕۆژنامەنووس و ژن و پیاو و هاوڵاتی و ڕێبوارەکاندا هەبووە.
هێزە چەکدارەکان ڕایانگەیاند کە ئەم هێرشە دڕندانە بێ وەڵام و بێ سزا نابێت.
جەنەرال مەهدی محەممەد ئەلمەشات، سەرۆکی ئەنجومەنی باڵای سیاسی جەختی لەسەر شکستی هێرشە دڕندەکانی سەهیۆنییەکان بۆ سەر یەمەن کردەوە و داوای لێکردن وریا بن و هۆشداریشی دا لەوەی کە بە ناچاری وەڵامێک دێتە ئاراوە. ئەلمەشات وتی، "شەڕانگێزی سەهیۆنییەکان توانای وەڵامدانەوەمان بە هەموو هێزەوە زیاتر زیاد دەکات."
فەریق یەحیا سەریع وتەبێژی هێزە چەکدارەکانی یەمەن هەروەها ڕایگەیاندووە کە سیستەمی بەرگری ئاسمانی لە کاتی هێرشکردنە سەر پایتەخت فڕۆکەکانی دوژمنیان گرتووە.
هێزە چەکدارەکانی یەمەن ڕاپۆرتیان دا کە سیستەمی بەرگری ئاسمانی ئەوان توانای هەڵدانی مەودای مووشەکی سەرزەوی بۆ ئاسمانی لە دژی هێرشەکانی سەهیۆنییەکان هەبووە. باس لەوە کرا کە بەشێک لە یەکەکانی هێرشی سەهیۆنییەکان پێش دەستپێکردنی هێرشەکە ناچار بوون بکشێنەوە و زۆربەی ئەو هێرشە پووچەڵکرایەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دەزگاکانی ڕاگەیاندنی عیبری، بە پشتبەستن بە فایلە دەنگییە دزەپێکراوەکانی هێرتسی هێلێڤی، سەرۆکی پێشووی بەناو ئەرکانی سوپای رژێمی سەهیۆنی، بڵاویان کردەوە کە ناوبراو دانی بەوەدا ناوە کە "لەشکری غەززە" لە کاتژمێرە سەرەتاییەکانی ئۆپڕاسیۆنی "تۆفانی ئەقسا" لە ٧ی ئۆکتۆبەری ٢٠٢٣ بە تەواوەتی ڕووخاوە.
رژێمی سەهیۆنی هەڵیکوتایە سەر ناوچە جۆربەجۆرەکانی کەناری ڕۆژئاوا لەوان قودس و لانیکەم ٣٠ فەلەستینی دەستبەسەر کرد.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٤ هەزار و ٧١٨ کەس و ژمارەی بریندارەکانیش گەشتە ١٦٣ هەزار و ٨٥٩ کەس.
بوومەلەرزەکەی بە گوڕی ٦ لە پارێزگای کونەر لە ڕۆژهەڵاتی ئەفغانستان بووە هۆی گیانیان لەدەستدانی ٣ هەزار کەس و ٤ هەزار کەسی دیکەش بریندار بوون. کاروانی ئومێد، وەقفی یەتیمەکان، یەتیم ئەلی ئەوروپا و ئیهۆ ئەبرار هاوکاریان پێشکەش بە قوربانییەکان کرد.
